
VacOne 賣點係4分鐘一杯冷萃咖啡,2分鐘一杯濃縮咖啡
獨家專利真空萃取技術快速萃取到咖啡的味道。 先講一講佢原理先:

利用負壓迫使水流過咖啡粉床,萃取咖啡風味。
部機會抽取下壺嘅空氣形成真空嘅狀態,呢個壓力差可以快速將上面嘅水抽落下壺。
由於機產生的壓力夠大,用家可以根據自己嘅喜好,用自己鍾意嘅研磨度冲出一杯適合自己嘅咖啡。
由於冲泡咖啡的時間短,可以減少苦味,但又可以產生細膩又濃郁的咖啡風味~
講返用後感
一開始用室溫水係佢機上邊簡單轉圈,做一個簡單嘅燜蒸 ,將咖啡豆內積蓄的氣體釋放出來。
大約等4-6分鐘後就可以按制真空萃取咖啡。
情況就是這樣。
今次用嘅水係室溫水,牧羊人嘅咖啡。用咗一個平時我哋沖手沖咖啡嘅粗度。
小編覺得用 VacOne 沖煮到完整嘅咖啡風味
基本上木味,咖啡花味、檸檬柑橘味、蘋果味、楓糖味都完全飲到。
而真空萃取嘅果酸亦都係相當平易近人,亦唔會有好苦嘅感覺

大約等4-6分鐘後就可以按制真空冷萃一樣咖啡
------------------------------------------------------------------------------------ 到第二次我哋用咗一個意式咖啡嘅磨研度

可能係真空箤取嘅關係,萃取時間會比意式咖啡機長,感覺上有d 萃取過度,但風味是沒有問題的。
如果想做出一杯更好嘅咖啡, 感覺上粗一點的研磨度會比較好。
總結: VacOne 唔需要太多技巧,只需要磨粉、冲水、按制就可以簡單沖到一杯好飲同理想嘅咖啡。
特別適合身邊無咩工具,例如冇溫度計係公司,加上個size 唔算大,可以用室溫水都沖到咖啡。
如果去露營冇熱水嘅地方都可以簡單用到。
如果你都係搵緊一部小型的咖啡機,不妨考慮下VacOne 真空咖啡機。
無論係露營定係寫字樓都好啱用。
Comments